Bonos dís,
Revivo'l tendeyón por un motivu importante. El 31 de mayu de 2011 espublicé equí un vidiu sobre una gaita en Do Grave de un artesanu de Comillas, David López. Incluída nesa espublización fice una referencia a la "micropolilla", un pequeñu furacu col que se consigue una mayor estabilidá d'una determinada nota. En su momento espublicé que siempre camentara que la "micropolilla" yera un inventu de David López pero depués recibí información de que ya lo utilizaben algunos artesanos gallegos. Pues bien, a dí de güei corrixo aquella espublización y confirmo (gracies a la información aportada pol inventor) la idea que tenía n'un primer momentu, ye dicir, que la "polilla" usada por David López tá patentada por él. Otros artesanos gallegos usen un sistema asemeyáu pero non el mesmu, nin pola situación nel punteru ni pol métodu col que se fae.
Nun quiero allárgame más; simplemente disculpáme pol error cometíu y reiterar lo que dixe en su momentu; sea asturianu, gallegu, cántabru o birmanu lo que precisamos los gaiteros ye anovación, investigación y sacar alante tolo que permita qu'un instrumentu tan primitivu como la gaita pueda equiparáse a munchos otros que nel so momentu supieron evolucionar gracies a artesanos que ponen enfotu nel so trabayu.
No hay comentarios:
Publicar un comentario